تعبت قوى

حاسه انى مش متحمله تانى كل حاجه متلخبطه

تعبت من نفسى من صحابى من عقلى

نفسى ابطل افكر لمده ربع ساعه بس

مبقتش عارفه مين الصح وفين

تبقى صح وانت واثق من ده وتتفاجا ان صحبك هوه اللى زعلان منك مع انه هوه اللى غلطان فيك

لا واانت اللى تروحلوه وتحاول تفهمه علشان تحافظ على علاقتك بيه

ياترى ده طيبه زياده ولا هبل

ولا ذوق فى وقت مبقاش حد عارف الذوق اصلا وخدوا من ده كتير

لا انا عارفه مين كويس ولا مين وحش والدنيا ماشيه تخبط وخلاص

ولا انا اللى متخبطه يمكن ؟؟؟؟

اوقات بحس انى مبقاش عندى الثقه الكافيه اللى تخلينى قويه واقدر اواجه الدنيا

حاسه انى لسه مش متوازنه زى بندول الساعه بيفضل يتخبط يمين وشمال وميوقفش غير لما حجره يفضه

وانا كمان حاسه انى مش هرتاح غير لما عمرى ينتهى

عارفين نفسى فى ايه دلوقتى فى حضن من ابويا نفسى ابكى كتير قوى نفسى يحس بيه

نفسى ما خرجش من الحضن ده اللى كنت ياما بستمد منه قوتى وارمى فيه ضعفى

بجد وحشتنى قوى قوى ربنا يرحمك ويسمحنى ويرحمنا جميعا

انتصار

النهارده بس حسيت انى رجعت تانى

لحياتى اللى وحشانى

اد ايه صعب نعيش بوش تانى ومشاعر تانيه وقلب تانى

غير كل اللى جوانا انا بقى كنت عايشه الحياه ديه

حزينه موووت لكن رسمه على وشى ابتسامه

مش من القلب بس بضحك عشان متكلمش

الاحساس ده كان مخلينى ضعيفه بس دايما كنت بحسس الناس انى قويه مبسوطه

كنت بضحك واتكلم مش بلسانى انا بلسان حد عايز يضحك وبس لمجرد انه ميبكيش

فيبقى واضح للحواليه ويفهمه شئ من ملامحه يمكن هوه نفسه مش عايز يفهمها

اسفه على اى كلام قولته لحد فى الفتره ديه عشان انا مكنتش انا ومكنش ينفع حتى احاسب نفسى

لانى اد ايه كنت هبقى قاسيه عليها قوى

كنت فى حاله حرب وكان لازم انقذ ارضى من كل ايد اتمدت عشان تفسد اجمل ما فيها

زمان كان كل شى فى عنينا حلو الناس والدنيا ما كنتش اتخيل للحظه ان فى حد بيجرح

لكن دلوقتى فهمت فهمت زياده شويه لدرجه انى مش عايزه افهم حاجه تانى

عايزه اصرخ واقول كفايه

النهارده بس اتاكدت انى انتصرت على كل شى جوايا

انى بقيت اقوى انى بقيت احسن

يمكن ملامح حزنى اللى خبيته غيرها

يمكن حاسه ان عقلى رافض يرجع للدنيا تانى

مش عارفه

ادعولى من قلوبكم بجد ان ربنا يثبتنى ويسعدنا كلنا